हुण्डी कारोबारमा संलग्न तीन जना काठमाण्डौबाट पक्राउ

साउन २४ । हुण्डी कारोबारमा संलग्न एक भारतीयसहित तीन जना काठमाण्डौबाट पक्राउ परेका छन् । उपत्यका अपराध अनुसन्धान कार्यालयका अनुसार सोमबार साँझ ठहिँटीबाट तीन जना हुण्डी कारोबारीलाई नगद ७४ लाख रकमसहित पक्राउ गरिएको हो ।
पक्राउ पर्नेमा भारतको राजस्थान घर भएका राजु अग्रवाल, सिन्धुपाल्चोकको मेलम्चीका रामहरि दुलाल र रौतहटका सुदिप आचार्य रहेका छन् । उनीहरुको साथबाट २६ लाख ९६ हजार रुपैयाँ बराबरको चेक समेत बरामद गरिएको छ ।